तिम्रो बुद्धि

भ्रष्टाचारको कुण्डमा चुर्लुम्म दुबेको भए
तिमी पनि आलिसान महलमा हुन्थ्यौ
तिम्री श्रीमती सुनले झकीझकाउ
तिम्रा छोरा छोरी विदेश अध्ययनमा
तिम्रो पनि चिल्लो कार

सकेको भए लिप्त हुन
हजुरी र चाकरीमा
तिमी पनि उच्चतहमा हुने थियौ
तिम्रो श्रीमती व्यूटीपार्लर
तिम्रो छोरा छोरी डिस्को र पव
तिम्रो जीवन पनि साकार

दुराचारीले भनेको मानिदिएको भए
तिमी पनि चिटिक्क, टाई र सुटमा
तिम्री श्रीमतीको विदेशी फेसन
तिम्रो छोरा छोरी रेष्टुरेन्टबार
तिमी जहा“ ज“ादा पनि सिष्टाचार

धिक्कार छ तिम्रो बुद्धि,
इमान्दारीता र कर्तव्य निष्ठतालाई
तिम्रो पानी चुहीने झुप्रेघर
तिम्री श्रीमतीको फाटेको धोती
तिम्रो छोराछोरीको बेहाल
तिम्रो परिवारको चित्कार

प्रकाश आचार्य