मेरो कालो धोती
                                         k|sfz cfrfo{ 
आजभोली
कालो  धोतीमा  पहेँलो  पारी 
आँखा कहीले राता 
कहीले हरीया भिम्काउँदै
रात्रीमा क्याट आइ जस्ता चम्कने श्रिबिन्दी 
सेतो सिन्दुर हालेर  सजिँदै 
लमतन्न परेर सुतिरहेछु 

कोएर राक्षर जस्ता देखिने उनिहरु 
नङ्ग्रा कुदाउँदै, घोटदै
लडीबुडी गरी मेरा शरीरमा सवार छन् 
म उनीहरुको विच्छौना बनेर 
पिडाको मर्म भुल्दै
कहीले घाममा डढ्दै 
कहीले शितमा भिज्दै छु ।

मेरा उदारता र मौनताको फाइदालिँदै 
मेरा अस्मीतामाथी शोषण गर्दै 
निर्ममता पूर्वक वलत्कार गर्छन् 
म एक टक लम्पसार परेर 
उनीहरुको थिचोमिचो, लुठाचुँडि
मन नलागी नलागी खपीरहेछु ।

लगाउन नपाइ 
लतपत्तिन्छन्  मेरा ओठकालालि 
खजमजिन्छन् मेरा बस्त्र 
पुछिन्छन् मेरा श्रृगार 

विना अनुमति मेरा शरीर खोतलिन्छन्
कतै पानीका पिच्कारीले कोत्रिन्छन्
मेरा उदारीएका खाल्टाहरुमा बजारीएर
टुटीलाहरुमा ठोकिएर 
अनगिन्ती यौवनहरु रगताम्मेहुन्छन् 
मेरा शीररहरुमा घाउ  र निलडाम छोडदै 
विसाएका घाउमा निहित स्वार्थले
पटक पटक मलम पट्टि टाँसीन्छन् ।


उनिहरुको फोस्र आदर्श हेर त 
कति स्वार्थी छन् उनिहरु？
उनका पाहुनालार्इ देखाउन 
देखावटी मायाँ गरिँदै छ 

मेरा सौन्दर्यले उनिहरुको 
लाज ढाकिने भ्रम पालेर  
मलाई सजाउँदै 
अथितीलाई देखाउन
मायाँ गरेझै गरीरहेछन्

कमिसनका नक्कली अत्तरहरुले 
म मग्मगाए पनि 
रोएको छ भित्र भित्रै मेरो मन 
दुखेको छ मेरो शिथिल तन 

घोत्लीन्छु, 
पाहुनाहरुको फिर्ती पछि
तिनका आतताई व्यवहारले
म पुनः कुरुप हुनु पर्ने पो हो की ?